Euskal Herrian hitz egiten diren hizkuntzen aniztasuna eta aniztasun kulturala ezagutaraztea da webgune honen helburua. Gure lurraldean 101 ele (101L) mintzo direlako. Baina aniztasun hori ezkutuan dagoelako gehienetan; elkarren ezagutza txikia delako sarritan. 101 L proiektua Badihardugu Euskara Elkarteak sortu zuen, Donostialdean hitz egiten diren hizkuntzak jasotzeko eta pixkanaka Euskal Herri osora zabaldu da. Jatorri askotako pertsonak ari gara elkarrizketatzen eta, hizkuntzekin batera, haien esperientziak eta iritziak jasotzen ditugu, batez ere 3 gairen inguruan: eleaniztasuna, emigrazioa eta integrazioa.