Katalana

Katalana latinetik datorren erromantze hizkuntzetako bat da, 9,5 milioi lagunek hitz egiten dutena (4,5 milioi inguruk etxeko hizkuntza moduan). Valentziera eta mallorkera ditu dialekto nagusiak. Ofizialtasun maila desberdinak ditu lurraldeen arabera, eta, hizkuntza gutxitua den arren, munduko mintzatuenetarikoa da gutxituen artean. Andorrako hizkuntza ofizial bakarra da, Katalunian, Balear Uharteetan eta Valentziar Erkidegoan koofiziala da, gaztelaniarekin batera, Aragoiko ekialdean lege-onespena du, eta Murtziako El Carche eskualdean ofizialtasunik gabea (500 bat lagunek darabilte). Frantzian, aintzinako Rosselló eta Cerdanya eskualdeetan (Ipar Katalunia moduan ere ezagunak), 2008tik koofiziala da, frantsesarekin batera). Eta Sardiniako Alguer hirian ere hitz egiten da.