Eleaniztasuna

• Hizkuntza gehiegi toki berean ez

  Thomas Pierre (1977) Paris, Frantzia

  Hizkuntza asko hitz egiteak onurak badituela dio, baina ez dio zentzu gehiegi ikusten herrialde batean hizkuntza asko hitz egiteari, ez da praktikoa.

• Helduek badakite errusiera Hungarian

  Edina Eszter (1977) Hungaria, Hungaria

  Hungariako hizkuntza ofiziala hungariera da; ingelesa ikasten da gaur egun, zaharrek ordea, errusiera badakite, izan ere, herrialde komunista izan zenez, beharrezkoa zuten ikastea.

• Hizkuntza asko Indonesian

  Alia Adhia (1982) Yakarta, Indonesia

  Indonesian hizkuntza asko hitz egiten dira; adibidez, bere aitak beste hizkuntza bat hitz egiten du, berak ulertu bai baina hitz egiten ez dakiena. Bere irlan, eta baita besteetan ere, hizkuntza asko daude.

• Bertako hizkuntza jakiteak etxean bezala egoten lagundu

  Ruta Grinyte (1986) Lituania, Lituania

  Hizkuntza ikasten lehenago hasi behar zuela pentsatzen du; orain damu da. Dibertigarriagoa da, eta hobeto sentitzen zara bertako hizkuntza dakizunean, etxean bezala. Horregatik, orain euskara ikasten hasi da.

• Lituaniera, errusiera, ingelesa eta gaztelania

  Ruta Grinyte (1986) Lituania, Lituania

  Lau hizkuntza hitz egiten ditu: lituaniera, errusiera, ingelesa eta gaztelania.

• Bost hizkuntza dakizki

  Aurel Ibo (1973) Korça, Albania

  Albanieraz, grezieraz, ingelesaz, gaztelaniaz eta euskaraz hitz egiten ditu.

• Hamaika hizkuntza ofizial Hego Afrikan

  Macebo Mavuso () Hego Afrika, Hego Afrika

  Macebok bere burua aurkezten du: Hego Afrikakoa da, xhosera hizkuntza hitz egiten du, Hego Afrikako 11 hizkuntza ofizialetako bat; badakizki beste asko ere.

• Joanesburgon bizi da

  Macebo Mavuso () Hego Afrika, Hego Afrika

  Hego Afrikako bigarren hizkuntza zabalduena da xhosera. Joanesburgon bizi zen elkarrizketa garaian, eta bertan Hego Afrikako 11 hizkuntza ofizialak hitz egiten dira.

• Senegalen, hizkuntza asko

  Bake Diatta (1972) Senegal, Senegal

  Senegalen bertan hitz egiten diren hizkuntzak oso ezberdinak dira bata bestearekiko. Mandinkera bertsioa ez dago.

• Bospasei hizkuntza Zizurkilen

  Bake Diatta (1972) Senegal, Senegal

  Zizurkilen gutxi gorabehera bospasei hizkuntza hitz egiten direla pentsatzen du Bakek. Senegalen egunero bost-sei hizkuntza erabiltzen zituen.

• Italianoa galtzen ari da Miki

  Miki Lamedica (1986) Assisi, Italia

  Italianoz oso gutxi hitz egiten du orain. Euskal Herrian italiar gutxi daudela dio. Italianoa galtzen ari da pixkat gaztelaniaren eraginez.

• Williamek zenbat hizkuntza dakizki?

  William Cisilino (1974) Vain, Italia

  Williamen ama hizkuntza friulera eta italiera dira. Gaztelania eta ingelesa ezagutzen ditu pixka bat, eta katalana eta esloveniera ulertu.

• Euskal Herrian: gaztelania eta euskara

  Fadilu Salifu (1997) Ghana, Ghana

  Fadilu Euskal Herrira etorri zenean, konturatu zen gaztelaniaz gain, beste hizkuntza bat ere bazela: euskara.

• Zenbatek dakite zeinu hizkuntza?

  Carolina Rementeria Fernández (1988) Bilbo, Euskal Herria

  Donostian ez daki zenbat pertsonak jakingo duten zeinu hizkuntza, estatuan 100.000 pertsonek dakitela dio. Horietatik %20-30ek dute euren bigarren hizkuntza bezala zeinu hizkuntza.

• Hizkuntzek batu, ez banandu

  Carolina Rementeria Fernández (1988) Bilbo, Euskal Herria

  Hizkuntza desberdinek batu egiten gaituzte, ez banandu. Munduko txoko guztietara joan gaitezke hizkuntza desberdinak jakinda.

• Hizkuntza gutxituen aldeko aldarria

  Candelaria Ramos Ul (1982) Toribio, Kolonbia

  Hizkuntza gutxituen inguruan hausnarketa bat egiten du. Berarentzat oso garrantzitsuak dira hizkuntzak eta, horregatik, etorkizuneko belaunaldiek hizkuntzen alde borrokatu behar dutela uste du.

• Esperientziak eta jakintzak elkartrukatzen

  Olga Sitan Miculax (1982) Patzun, Guatemala

  Eskerrak ematen ditu hona etortzeko aukera izan duelako, eta esperientziak eta jakintzak elkartrukatzeagatik.

• Erresuma Batuan gaelera ere hitz egiten da

  Aritz Branton (1964) Malmesbury, Ingalaterra

  Erresuma Batuan gaelera ere hitz egiten da: Eskozian, eta oso hiztun gutxi ditu. Galesen eta Ipar Irlandan beste mota bateko gaelerak hitz egiten dira. Gaur egun ehunka hizkuntza hitz egiten dira Erresuma Batuan.

• Itzultzailea eta Booktegi proiektuko sortzaile

  Aritz Branton (1964) Malmesbury, Ingalaterra

  Itzultzaile moduan lanean aritzen da. Euskararen eta ingelesaren arteko desberdintasunetako bat sintaxia dela dio. Horrez gain, Booktegi proiektuko sortzaileetako bat da.

• Gaztelania, gutxi erabiltzen duen tresna

  Aritz Branton (1964) Malmesbury, Ingalaterra

  Iraganean gaztelaniarekin harreman handia izan du Espainian, baina Euskal Herrian euskararekin. Gaztelania gutxi darabil.

• "Euskaltzalea naiz"

  Aritz Branton (1964) Malmesbury, Ingalaterra

  Euskaltzalea dela dio, euskara maite baitu. Euskal kulturaren oinarria euskara dela uste du, azken finean kultura guztien oinarria hizkuntzak direlako.

• Donostiako hizkuntzak

  Aritz Branton (1964) Malmesbury, Ingalaterra

  Donostian ehun bat hizkuntza daudela dio, nahiz eta seguru ez jakin.

• Hizkuntza gutxituen esperientziak ezagutzen

  Tiöma Fum Dökter (1993) Wilamowice, Polonia

  Tiöma hizkuntza gutxituen hiztunen topaketan parte hartzera etorri da. Horrek asko pozten du; izan ere, jende askorekin hitz egiteko aukera dauka, baita bere egoera berdinean dauden pertsonekin ere.

• Finlandiako hizkuntzak

  Tuomo Salonen (1993) Joensuu, Finlandia

  Finlandian hainbat hizkuntza hitz egiten dira: samiera, finlandiera, kareliera, suediera, ijito hizkera etab.

• Maneraren bilakaera: berpiztutako hizkuntza

  Ben O Ceallaigh (1989) Galway, Irlanda

  Manera berpizutako hizkuntza dela dio. 1974an manera hitz egiten zuen azken hiztuna hil zen, eta 2004an hiztun batzuk manera berreskuratzeko prozesuarekin hasi ziren. Orain manerak bere eskola propioa dauka, eta irakasleek manera hitz egiten dute. Munduko hizkuntzentzako oso adibide ona dela esaten du.

• Guatemalan, 25 hizkuntza

  María Salomé Huinac Xiloj (1970) Cautel, Guatemala

  Guatemalan 25 hizkuntza daude; horietatik 22k hizkuntza maietan dute jatorria. Hizkuntza batzuk aipatzen ditu, baita hizkuntza gutxituen artean dagoen hizkuntza bat ere.

• Kitxeera eta kektxiera

  María Salomé Huinac Xiloj (1970) Cautel, Guatemala

  Kitxeera eta kektxiera familia bereko hizkuntzak dira. Bost hizkuntza maia dira familia horren parte, baina kektxiera da kitxeeraren antzekoena.

• Hizkuntzen inguruko hausnarketa txiki bat

  María Salomé Huinac Xiloj (1970) Cautel, Guatemala

  Askotan itzulpenak egitea zaila da, hitzak galdu egiten direlako. Baina hizkuntzak erabili egin behar dira, gure jakintzen ibilgailu direlako.

• Guatemalako hizkuntza-aniztasuna

  Iris Esmeralda Ac Ramirez (1978) San Pedro Carchá, Guatemala

  Guatemalan 25 hizkuntza daude. Hizkuntzen artean ez dago antzekotasunik. Egia da hizkuntza batzuen artean hitz batzuk berdin esaten direla, baina orokorrean hizkuntzak guztiz desberdinak ei dira.

• "Erabiltzen ez den hizkuntza hil egiten da"

  Iris Esmeralda Ac Ramirez (1978) San Pedro Carchá, Guatemala

  Hizkuntzaren inguruan bakoitzak bere aldetik egiten du lan. Kektxierak indartze prozesu bat bizi izan du, baina hor ez da bukatzen prozesua, jarraitu beharra dago. Alta Verapaz eskualdean hizkuntza maien akademiak dira soilik indartze prozesu horretan laguntzen dutenak. Beraiek ez dute zabaltze-prozesurik egiten; hiztuna joan behar da beraiengana eta zerbait behar badu, laguntzeko daude. Ez dira ari inolako kanpaina edo aldarrikapenik egiten hizkuntzaren prestigioa handitzeko. Kektxierak hiztunak baditu, baina ez dago hizkuntzarekiko kontzientziaziorik, ezta kezkarik ere.

• Guztira 24 hizkuntza maia

  Marcos Regino Pech Naal (1988) Xaya, Yukatan, Mexiko

  Yukatanen yukatakeraz eta gaztelaniaz gain, badaude beste hizkuntza batzuk. Hizkuntza gutxituak dira. Guztira 24 hizkuntza maia daude. Mexikon yukatakera hitz egiten da; beste hizkuntza maia guztiak Guatemalan, Belizen eta Hondurasen hitz egiten dira.

• Yukatakeraren eta beste hizkuntza maien arteko antzekotasunak

  Marcos Regino Pech Naal (1988) Xaya, Yukatan, Mexiko

  Yukatakera hitz egiten dutenak Chiapasen hitz egiten den hizkuntza maia ulertzeko gai dira. Horrez gain, yukatakerak ez du gainerako hizkuntza maiekin antzekotasunik, soilik hitz batzuetan.

• Brasilen 150 hizkuntza, horietako asko galzorian

  Tui Jose Benedito (1973) Tarauacá, Brasil

  Brasilen 150 hizkuntza daude, baina horietatik 35 hizkuntza bakarrik dira hitz egiten direnak gaur egun. Izan ere, hizkuntza asko galzorian daude. Hatxa kuin hizkuntza 5 herritan mantentzen da.

• Nepaleko hizkuntzak

  Shakti Tamang Moktan (1986) Lalitpur, Nepal

  Nepalera hizkuntza nazionala bada ere, etnia ugari daude Nepalen eta bakoitzak bere hizkuntza du. Adibidez, Shakti tamanga da eta tamang hizkuntza ere hitz egiten du. Nepaleraren oso desberdina da.

• Boliviako hizkuntzak

  Axel . (2007) Bolivia, Bolivia

  Boliviako hizkuntzak. Amak aimara hitz egiten du eta aitak ketxua. Norekin hitz egiten duten.

• Stefiak eta bere gurasoek hitz egiten dituzten hizkuntzak

  Stefia . (2010) Elgoibar, Euskal Herria

  Gurasoek hitz egiten dituzten hizkuntzak: frantsesa, lingala eta gaztelera. Stefiak dakizkien hizkuntzak: aurrekoez gainera, ingelesa eta euskara. Gurasoekin gazteleraz hitz egin ohi du.

• Brasilgo hizkuntza ofiziala, portugesa

  Simone De Sousa (1972) Pernambuco, Recife, Brasil

  Paisaia eta biztanle aldetik aniztasun handia dago Brasilen. Hala ere, hizkuntza ofiziala bakarra da, portugesa, nahiz eta hegoaldeko leku batzuetan beste hizkuntza batzuk hitz egiten diren, alemana eta japoniera, adibidez. Hizkuntza indigenak ia galduta daude; guaraniera da hiztun gehien dituena. Eskoletan portugesez irakasten da. Bigarren hizkuntza ikasiena ingelesa da. Brasilgo portugesa eta Portugalekoa hizkuntza bera dira.

• Calabriako hizkuntzak

  Emilio Malvaso () Calabria, Italia

  Calabrian italiera hitz egiten da baina baita bertako dialektoa ere. Albaniera, greziera eta okzitaniera ere hitz egiten dira.

• Euskara ikastea

  Quico Pugès Suárez (1981) Vic, Bartzelona, Katalunia

  Euskara hizkuntza zaila dela esatea topiko bat iruditzen zaio. Baina egia da ez duela harremanik beste hizkuntzekin eta hutsetik ikasten hasi behar zarela. Batzuetan jendeak esan izan dio "ze grazia", euskara ikasten aritzea denbora-pasa irudituko balitzaie bezala. Quicorentzat ordea, munduaren beste ikuspegi bat ezagutzea da.

• Hizkuntza zaila da Poloniera

  Michalina Szczygielska (1975) Lubartów, Polonia

  Poloniera eta gaztelania hitz egiten ditu. Euskara baino zailagoa iruditzen zaio poloniera letra konposatuak eta ahoskera zaila duelako, besteak beste. Bere abizena, adibidez, 6 kontsonantez hasten da. Gaztelera aldiz erraza iruditzen zaio eta erraz ikasi zuela dio.

• Eleaniztuna izatea

  Antxon Charles Ayestaran Laubach (1994) ,

  Antxonen ama estatubatuarra da eta ondorioz, Antxon txikitatik eleanitza izan da. Hiru hizkuntza hitz egiteak haurtzaroan arazoak zerkarzkion arren, egun inglesez, gazteleraz eta euskaraz arazorik gabe mintzatu daiteke.